Baztan ezagutzeko modurik hoberena bertan egun batzuk pasatzea eta txoko guztiak ikustea denez, ostatu hartzeko mota desberdineko establezimendu ugari aurkitu dezakezu.

Herri guztietan dituzu landetxeak, guztiak bertako arkitekturaren adierazgarri diren baserri eta jauregi ederretan. Aterpeak ere badaude Baztanen eta halakoetan aise eginen duzu bat mendizale, txirrindulari eta Done Jakue bideko erromesekin. Hotel eta hostal ederrak, apartamentuak eta baita kanpin bat ere badugu harenean.

Informazio eguneratua Nafarroako turismo webgunean aurkituko duzu.

http://www.turismo.navarra.es.

Furgonetak eta autokarabanak:

Baztanen ez dago autokarabanetarako zerbitzugune berezirik baina haranean bi leku daude zehazki horretarako baimenduak:

OTSONDOKO GAINA, N-121B errepidearen alboan dagoen merendero-gunea. Otsondoko gainean dago, Amaiur eta Urdazubi herrien artean. Bertan komun publikoak, mahaiak, iturria eta barbakoak egiteko leku estali bat ere aurkituko dituzu.

SAN BLASKO BENTA, BELATE, Baztanetik Iruñea aldera Belate mendatea dago. Errepide zaharra (NA-1210) harturik, San Blasko bentaren ondoan ere aparka daiteke. Gune honetan, bentako ostatuak eskaintzen dituen zerbitzuak daude. Bertatik, Done Jakue bidea jarraituz, Belateko zohikaztegi interesgarrira ailegatu daiteke.

Bestalde, bereziki baimenduta ez dagoen arren, ez dago arazorik bertze gune honetan aparkatzeko:

ORDOKIKO INDUSTRIALDEA, N-121B eta NA-2600 errepideak elkartzen diren tokian, Erratzu aldera joateko bidegurutzea dagoen lekuan. Industrialdeko atzealdean, Berroko iturriaren ondoan, aparkatzeko leku handia dago bertan. Done Jakue Bidearen ondoan dago, Azpilkueta eta Arizkun artean.